أنا العاجز ..قصيدة بقلم الاستاذ / ناصر صلاح

 

أنا العاجز
وانا اللى فى قلبى كام حاجز
لا قادر مره اتشجع
وللا اتوجع
ولو فكرت فى البسمه
بسرعه عينيا بتدمع
أنا العاجز
@@@
انا البين البنين واقف
وانا الأعمى
برغم انى الوحيد شايف
برغم انى الوحيد حاسس
بسيف سياف على راسى
لكن خايف
لا قادر مره اتشجع
ولا اتوجع
أنا العاجز
@@@
وانا الجايز أكون فايز
برغم يقينى بالخسران
تقول فارس
حصانى سطور
سلاحى حروف
من البنور
لكن هربانه من خنقة قلم مبتور
بعقلى تطوف
وتتزمزم بدمع الخوف
وتترمى على الورقات
وفاكره انها فى أمان
وهى ياعينى عريانه
وفى المكشوف
لا قادره فى مره تتشجع
لا قادره فى مره تتوجع
وعاجزه زى انا عاجز
انا العاجز
=========
ناصر صلاح

حرفوش المجذوب