و روحى لما تشتاقلك
يروح قلبى و يندهلك
اكون ناسك و اكون اهلك
و ضحكة بتشتهى خدودك
و شوقى يلمسك .. جنة
بلون الورد .. و الحنة
اتوه فى عنيكى و اتمنى
اكون النسمة على عودك
احسك حلم ايامى
و يوم اجمل فى احلامى
فتبقى سكوتى و كلامى
وجودى حتة ف وجودك
تكونى فيا و اكونك
و بوح قلبك .. و مكنونك
و شطر قصيدة فى جنونك
و اكون المرسر لصدودك
و نهرب مننا ... فينا
تطل دموعنا فى عنينا
تعاتبنا ... تواسينا
تموت احزانى فى عهودك
فهمى على