لاقيته علق وقال أن تعليقات مدام هالة من أجمل التعليقات .. وأنها تدل على ثقافتها و....................... الخ
قلت في نفسي ..أمال الكلام الناشف التاني كان لمين؟..ولا ميكنش عفريته اللي قاله؟
ههههههههههه..أل مش بيكلم ستات متجوزة أل
و بعدين قلت يا بت يا سوسو متكبريش الموضوع..هو معذور برده
واستأذني شوية .. راح يعمل لنفسه كوباية شاي
وأنا منتظراه ............. قلت في نفسي .. ما أروح اعمل ليا كوباية انا كمان.
ورجعنا سوا... وقالي :
اتفضلي معايا شاي
ضحكت و قلت له.. أنا عملت لي كوباية زيك
قالي .. كده تمام ..محدش أحسن من حد ..و كتب ضحكة طويلة ( هههههههههههه )
وبدأنا ندردش عن الوضع الحالي للبلد.. ويعدها عن الصداقات بالفيس بوك
والشباب و المراهقة... ولسه بقوله أن عندي ابن في الجامعة
لاقيت الواد محمد داخل عليا زعلان.. و وشه أحمر زي الدم.. .. سألته:
*/ مالك يا بني .... كفى الله الشر ....فيه إيه؟
رد عليا يابني ؟
وهو مش راضي يتكلم
ضغطت عليه شوية لاقيته بيقولي دي مصيبة .. بنت عمتي دي مصيبة.. وهتعمل لي مصايب.
شهقت وقلت له
اتكلم ...
سكت نهائي .. و دخل أوضته .. وقفل الباب
رجعت للكمبيوتر تاني علشان اعتذر لأشرف...إني مشيت من غير استئذان
وقلت له أن فيه مشكلة بين ابني و بنت عمته
هو عرض عليا أنه يحل معايا مشكلة ابني
بجد أنا فرحت.. كل يوم نكتشفوا في الراجل ده شئ يحببني فيه
وفجأة لاقيت تليفونا بيرن.. ورحت أشوف مين
ورجعت..ملقتش أشرف
استنيته ربع ساعة.. مرجعش
قلقت عليه .. وصبرت نفسي و قلت يمكن النت قطع
هو زعل علشان أنا خرجت بسرعة؟
ومن غير استئذان؟
ولا السبب إيه؟!!!
ياربي هلاقيها من أشرف ولا من محمد ابني
محمد .. يانهار أبيض .. لازم أشوف الواد ... الواد مصمم على كلمة مصيبة
قلقني .. شكل الموضوع كبييييييييييييييير
بكرة هأقولكم هو
ايه؟
ومن غير استئذان؟
ولا السبب إيه؟!!!
ياربي هلاقيها من أشرف ولا من محمد ابني
محمد .. يانهار أبيض .. لازم أشوف الواد ... الواد مصمم على كلمة مصيبة
قلقني .. شكل الموضوع كبييييييييييييييير
بكرة هأقولكم هو
ايه؟
......................................
((( زرقاء اليمامة المصرية )))