عشان خاطر محبتنا ولقمة عيش أكلناها سوا فـ بيتنا وقعدتنا فـ ساعة اما تنادي الضله لمتنا وحبة شاي بيتنعنع في ليل الصيف بصحبتنا وحق اللي خلق جنه من الألفه وجملهلنا بالرأفه وخلاها على الدنيا دي دنيتنا على اعتابها وبعتابنا بتتلاقى مودتنا وتتصالح خلافتنا ومتفرقش سكتنا عشان تفضل سما جنتنا دي صافيه وتفضل بالوفا ديما كدا دافيه بلاش نحكم على روحنا بدين أو مله أو مذهب بلون أو جنس ... ليه نغلب ؟ بلاش ننسى بلاش نشنق معاني الحب بالقسوة بلاش نعدم بلاش نصبغ أمانينا بلون الدم بلاش نسجن ونحبس في ظلام الجهل نور العقل عشان خاطر محبتنا عشان خاطر فـ يوم متضعش سكتنا تعالو نلم جوانا بقايا مِـ الــِّلي كان إسموووو ؟! ...آاه .... إنسان =========== محمد شعبان
