عايز تخدع قلبي
وتمشي ..
ما يهمكشي ..
مش ها تفاجئ
ولا ها اتضايق
ولا م الدمع ها يدبل رمشي
****
فاكر كل عذابي ف حبك
فاكر قلبي الساكن قلبك
فاكر نظرة عينك ليّا
و لمس ايديَّا
و همسه رقيقه
اسمعها ف قربك
****
كل كلامك عدَّى عليَّا
بالود وكلّ الحنِّية
تتوضا من دمعة عيني
وافرش قلبي ورمشي هديَّه
وفروض الحب تقولهالي
لكن من ورا قلبك هيّ
****
فاكر لما حلفت بعمري
إنك تِخلص ليَّا ف عمري
ويكون قلبك مهد غرامي
هَنا أيامي
وشمسي وقمري
وخدعت القلب ونبضاته
طال الليل ماطلعت يا فجري
****
منى الغريب