" متخافيش " ..قصيدة بقلم الأستاذ / محمد البنا

نفسي أعيش همس ف شفايفك
نفسي أعيش
تسهر الأحلام ف عمري
تكتب الأيام " ده قدري "
إني أكون العمر جنبك
نبض قلبك
حتى نور الفجر ينسى
وما يجينيش
نفسي أعيش العمر جنبك
نفسي أعيش
وإن مهما الدنيا تقسى
طول ما ضيّك جوّه مني
أي شئ ف الدنيا ديّا ما يساويش
لحظة أعيشها ف حضن ننك
أبقى منك
واللي فات من عمري قبلك
كان مفيش
واللي جاي لو جيّ بعدك
شئ غريب ما يخصنيش
ضمّي أكتر ...دوّبيني
ودوبي فيّا....ومتخافيش .

.............................

محمد البنا