زرعتى عشقك فى وريدى
من يوم ماكنتى فى ايدى
انا بحيرى وطبعى صعيدى
ياحبيبة قلبى
* ياسلام *
ياسلام طرح لى حب وحنية
وشوق على حبة ملاغية
ماكفاية منك أسية
ياحبيبة قلبى
* ياسلام*
ياسلام شفتك بعينى وكلمتك
وقلبى على طول سلمتك
كنتى سعيدة ما ألمتك
ياحبيبة قلبى
ياسلام*
ياسلام نبضك بيسرى فى شريانى
وبشوفك دايما فى منامى
بعدك بيزود ألامى
ياحبيبة قلبى ياسلام*
ياسلام
انا قلبى حبك بإخلاص
ومشاعر صادقة وليها اساس
ماتبعديش يابنت الناس
ياحبيبة قلبى
ياسلام*
ياسلام نظرة عنيكى سهم شديد
بتخلى قلبى يطفى وقيد
لما بشوفك ببقى سعيد
ياحبيبة قلبى
ياسلام*
ها افضل اقول شعر ومواويل
لما يبان لقلبى دليل
او تدينى طرف المنديل
ياحبيبة قلبى ياسلام
* يا سلام
*************
الشاعر محمد عبد العزيز عطا