نام يا شهيد ــــــــــــــــــ ( للشاعر / رءوف حجر )

بابكى بدموعى عليـــك يا صاحبــى و رفيـــقى
يا صديق معايا ف خدمتـى نشف عليـــك ريقى
لو يوم عطشــــت أوام تسقيـــــــنى من ايـدك
و اما تشوفنــــى جعــان بتـشـق ف وريــــــدك
و لما باضـــــحك بيكون دا يوم عيـــــــــــــــــدك
بابكى عليك بنور العـين و دم قلبـــى فـــــــداك
غمضـت عينـك بإيـدى مانـا أصلى كنــــت وراك
ملحقتش أمسح دموعك قبل اما تمشى معاك
غرقت هدومــى بدمـــاك وغرقت انا فيها
لو كان بإيدى كنت انا قدمــت نفسى فــــــداك
انا يا رفيـــــق خدمتـــــى تــــار البلـــد تـــــارك
قفلت عينى عليـــــك والقلب قـــــاد نــــــــارك
قاعــــــــد ف دارك أنا وجيشـــــك وثـــــــــوارك
و لا يوم هتهــــــدى النـــار إلا من بعـد تـــــارك
نام يا شهيد الوطن و اتهنـى فى جنة الرحمن
و احنا وراك يا شهيــد صقــور نسـور شجعــان
بس انت ادعى لبلدنا تعود من تانــــى فرحانه
و تعيش سعيــده وأرواحكـــم تكون هنا معانا
نام يا شهيد الوطن إحنا هنا بدالك
نام يا شهيد

..................

رءوف حجر