تسمحى بالرقصة دى !!
رقصة الموت بين شفايفك
رقصة القلب اللى شايفك
سندريلا
تسمحى أرقص معاك
مدى إيدك ياملاكى
خايفه منى ؟؟...
إيه هاقلك ... ماتخافيش
........
غصب عنى
ياحته منى
أصل إنى
غبت عنك
غبت عنى
وصعب إنى
أعــــــيش فى ظنى
قلت إنى
أروح ماجـــــيش
...
جيتك أنت
ياحته منى
يامدينتى
ياسفينتى
بين شطوطك
قلت هاغرق
حتى لو مكـــــــــتوب أعيش
...
ليه فى لحظة خوف حقيقى
ليه وقفتى فى طريقى
عايز أفك القيد فى أيدك
عـــــايز أفكك من حديدك
عايز أحرر لك عبيدك ...
مانت يامايتى البداية
وأنت أحلام النهاية
وانت رمانة ميزانهم
ياللى فى ايديكى العصايا
والهدايا و العطايا ......
ليه بقى كلمة مافيش ..
........
تسمحى بالرقصة دى !!
رقصة الرعشة الأخيرة
وقت فجر النور بيدن
جوه قلبك ياأميرة
تسمحى بالرقصة دى !!
لسه خايفة
مانت شايفة
إن لون كحلة عنيكى
خمراويه
خمرواويه وسمراويه
نطت الفرحة فى عنيه
بتناديكى
إنت منى
إنت ليّه
إنت ياأجمل هدية
تسمحى بالرقصة دى !!
....
عادل التونى