وليه انتى كدا بالذات
مافيه ياما كتير فتايات
بشوف طيفك سنين عمرى
إن كان ماضى ولا أت
وليه دايماً بجيب سيرتك
وليه بتمنى أشوف صورتك
واقضى الليل وأنا صاحى
أنام يطاردنى نغم صوتك
كلامك حتى وسكوتك
وبتمنى أنا وصالك
ف بعدك قلبى بيشوفك
حنينى اليكى
وصانى على كسوفك
وعلى خوفك
ياحلوة نفسى اشكيلك
واحكى لك
ف بعدك عن وجع قلبى
نفسى اكون ضياء ليلك
ونفسى اكون لكى نسمة
تهفهف لك على خدودك
تلاعب لك قناديلك
وارسم ضحكةعلى عيونك
واكون مية بترويكى
وضليلة بتحميكى
واشيلك فى نن العين
وبين احضانى أدقيكى
وابنى لك براح ف الكون
يكون لينا لوحدينا
حاجة كدا تليق بيكى
***************************
الشاعر محمد عبد العزيز عطا