بتاع الورد------------؟ قصيدة بقلم الشاعر / شاكر المدهون

 

يابتاع الورد يامسمسم
عيونك دايما فضاحة
تحكي لي عن أملي ف بكرة
وأحلامي في سنيني الجاية
وتقول لي كلام بيدوبني
ويخلي للنوم ألف حكاية
يسرق الشوق مني عيوني
وأفكر فيك وأنت معايا
ويرد عليك دايما قلبي
يهمس لك وكأنك له حكاية
أدور على نومي في جفونك
وأسأل روحي: انت معايا؟
وترد الروح بدموع تكوي
ماهو سبب حيرتي وشقايا
من يوم مازارني وانا أبكي
سيب جراحاته دايما صاحية
يابتاع الورد يامسمسم
شفايفك دايما فواحة
تملا الكون دايما رقة
وانغام لطيور صداحة
ولما اشتاق اسمع نغمة
بتكون ياخسارة مرتاحة
ورودك يمكن نبعت منك؟
وللا روايحك هي الفضاحة؟
يابتاع الورد يامسمسم
عيونك دايما سواحة
بتسافر وتاخدني معها
كأنها الشمس في سماها
--------------------
شاكر محمد المدهون