(ف بحر الشوووووووووووق ) قصيدة بقلم الشاعر / أحمد نفادي

 

ف بحر الشوق وبتعاند ؟
ومين يقدر على المية ؟
ماليش غيرك حبيب واحد
وبيحبونى بالمية !!!!!!
وكيف اقدر على الأشواق ؟
وانا أشواقى دوامة
دموعى بكت الأوراق
وياما ناديت عليك يامه
وفين انته تكون عوام
وقلبك ليه عوامه؟
...............................
حبيبى امتى حتجينى
وتفتح للربيع قلبك ؟
عنيهم تيجى فى عيونى
يشوفونى واشوف حبك
فى بحرالشوق حغرقهم
واغربهم واشرقهم
واسهرهم لياليه
واشاور ييجو بالميه!!
وياما ناديت عليك يامه
وفين انته تكون عوام
وقلبك ليه عوامه ؟
..............................
عنيه تقول تكون جنبى ؟
وليه ساكت وانا عارفه ؟
تكون خايف وإيه ذنبى .؟
أديك شايف وانا شايفه
عذاب الفكر واخدنى
يتوهنى فى أحزانى
عيون تقرانى وتعيدنى
تدوبنى واقول تانى
وياما ناديت عليك يامه
وفين انته تكون عوام
وقلبك ليه عوامه ؟!!!

....................
أحمد نفادى