الله يخليك ..!!
*********
قررت خلاص م اللحظه دى
ما ســألش عليك
قررت اسيـبك وأعــــــــــادى
ولا أحـــن إليك
قررت خلاص ابعد عنك
قررت كمان اهرب منك
وأوصى عنيّا امّا تشوفك
ما تبص عليك !!
من بعد ما أكدت غرورك
ونسيت اللى أنا قدمتولك
والشىء اللى ابنيه بإيديا
بتهده إيديك !!
قررت انـى ارفض لو مرّه
اوطـّى واعلــّيك
جربت فى مرّه أقول لأه
لجناب معاليك
من بعد ما حسيت بمشقة
وغلبت اراضيك
خليك فى بعادك وعنادك
خليك ,خليك
مش هارجع.اعمل ما بدالك
ولا حاسأل فيك
قلبى اللى اتعذب يوم باعك
قرر يجافيك
ما بقيتش خلاص من اتباعك
مابقيتش أنا ليك
حتجرب غيرى وترجع لى
وتقول ندمان
وعاوزنى اسامحك وارجع لك
وأنت الغلطان !!
خلينى فى حالى عشان خاطرى
الله يهديك
معلش خـــلاص انتهى صبرى
شوف شىء يغنيك
سلمت خــــلاص لله أمــــرى
مابقيتش انا ليك
حضرتك شاعر حكايه وملكش زي على الساحه ربنا يوفقك
ردحذف