عـــا يـــز يــــن بـُــكـــــــــرة ...بقلم الشاعر المبدع / أبو عمار المصري

بكرة بتاع مين ؟
طب جاى فعلاً ؟
ولا يتوه فى طريق متكتـِّف؟
قـُدّام منه مطبـّات خوف
ووراه الغـِشّ المتستـِّف
جاى راكـِبنا ...؟
ولا المشوار
قاطـِع نـفـَسـُه ؟
هـَـيـركـِّبـنــا ؟
ولا يا خوفى كمان ما نحسـَُه
عندى نصيحة يا بكرة حقيقى
لو ناوى تنـَشـِّـف ريق ريقى
إسأل قبل ما تيجى امبارح
شوف هيقول لك إيه عن غـُـلـبــى ؟
صـَدَّق مـِنـه كل كلامه
أصل الماضى لا يمكن يكدب
جاى مروَّ ق ؟
ولا شايل لنا حزن جديد ؟
حلو مزوَّ ق ؟
لابس توب منسوج بوجـَعنا ؟
ولا تكون هتعـَرّى عـَوارنا ؟
تكسـِف شمـس حقيقة روحنا ؟
ولا هتـِخـسـِف ضـَىِّ قمرنا ؟
بـُـصّ يا بـُكرة
إحنا سنسن مستنيين
بكرة الجاى
شايل أفراحنا
فاكـِك قيد الخوف فى صدورنا
سامـِع حـِسـِّنا
عارف بوحنا
إحنا كرهنا
ظـُلم امبارح ...كل امبارح
خـَـد ويـّاه أجمل أمانينا
وانت أملنا
يا تحـَبـِّبـنــا ف كل الجاى
يا تسيبنا نحـَدّد خطاوينا
نكتب ع الشارع تواريخنا
نكتب بإدينا على باقينا
يمكن نكتب كلمة بكرة
بالحرية
خير وسلام
حق وعدل وشمس عـفـيـّة
بكرة الـ واقف على رجليه
مش ساند على جوز عكاكيز
ينفخ فينا الروح مهزومة
ويحسـّسنا اننا عواجيز
عايزين بكرة الشاب الجامد
واثق فى الحلم وبيساند
كل الناس
عايزين بكرة جميل ...
حسـّاس
لو راح تقدر
أهلاً بيك
أنا شايل حلمى على اكتافى
مستنيك

بـــقـــلـــــم ا لـــشـــــا عــــــــر
أبــــو عـــمــــــا ر ا لــــمـــصـــــــر ى