يمكن ..؟!!
*************
فين اراضيكى
قالت آدينى ..
قاعدة ف وسط الصاله
وماسكه بديل فساتينى
قلت انا مش باسأل عن جسمك
باســأل عنــّك
عنك انتى
امتى تجينى ..!!
قالت لسه عليا بادوّر
تايه ف غربة حزن سنينى
لسه بادوّر بين احزانى
عن عنوانى
شوقى , حنينى
لسه باشوفنى ف واحــــد
تانى..!!
خارجه حــدود اطارات تكوينى !!
قاعدة كصورة
كل ما فيا حاجات مكسوره
بارمى حاجات وحاجات ترمينى
بس بأدوّر
لسه بأدوّر
قلت ح ادوّر برضه معاكى
يمكن لمّا
الاقيكى ..الاقينى ..
...............................
أحمد حسن عمر
27/2/2015 م