مش قادر استنى الحياة لما تشاور عقلها
تاخد وتدى ف حبنا
الرأى اصله رأينا
معرفشى ايه اللى يخللى الدنيا تدخل وسطنا
احنا اللى هانقرر...نقول
احنا اللى هانخللى الفصول
هيه اللى تيجى ف جونا
انتى وأنا
عارفه؟
مش قادر اصبر ع الهوى
قلبى نوى
يطلع على جبل الغرام
يصرخ ينادى ع البشر
يا أيها الناس التى
هذى العيون حبيبتى
ولتعلموا أنى اذوب بعشقها
خليكوا واقفين ع الحياد
وبلاش تقولوا عننا
احنا بعيد عن أرضكم
احنا فى أرض لوحدنا
رغم اننا عايشين معاكم فى الحياة
لكننا مش من هنا
انا وحبيبتى حالة خاصة فى الزمن
اتنين رسل من غير كتب
من غير فروض
كل اللى ويانا ورود
كل الوعود ان احنا نصنع جنتين
جنة تلم العاشقين
اللى هتعشق زينا
وجنة لينا لوحدنا
....................
حمدي موسى