فكرة الموت اللى فيا
اللى بتسيطر عليا
اللى خلت عمرى خايف
ماشى يتلفت وراه
فكرة عماله تراودنى......قارصة ودنى
حاسس انى مت فعلا
بس قلبى بيعاندنى
لسه بيدق بشقاوة......لسه بيدق بحياة
مش مركز فى المعيشة.. كأنى ريشة..........
طايرة من غير اتجاه
الأمل اصبح عدو...والقصيدة بعيدة جدا
أصل عقلى كأنه هو......فيه فراغ
نفسى اشيل البذر لاسود م الدماغ
رغم ان القلب اخضر
والمشاعر فيها كنز من الجمال
رغم ذلك
حاسس انى مش حقيقى واحتمال
عندى احساس انى واحد م الخيال
نفسى اشوف الدنيا ماشية ع الصراط
نفسى اهد الكون واعيده بانضباط
واعمله من غير غابات
والبحور ماتكونش اعمق م الشفاه
يبقى نص الدنيا ورد
نفسى يبقى الطقس صافى لاهو حر ولاهو برد
والغى ألات الدمار والحمار
واعمل المواعيد بدون أى انتظار
نفسى يبقى الحب فرض ومش قرار
والنساء من غير ظروفها
واللغات من غير حروفها
والشباب ما يعجزوش
والبنات تفضل بكارى
والغى كلمة يا خسارة
بس دى الدنيا المتاحة
واحنا جينا لابتلاء
واللى جارى واللى حاصل
اننا بره السباق
والتنافس كله خارح ع الحياء
المهم اللى انت عاوزه يبقى فيك
والحياة تسكن واديك
واللى نظم ملكه سيدة
كل شئ ف الكون بإيدة
واحنا دورنا نكون عبيدة
مش شريك
واللى فات فى الجنه كله
بس ننجح ف الحياة
بالشهادة والعبادة
صدقونى الله ف سماه
............
حمدي موسى