النهارده عيد ميلادي
كنت متعود يا أمي
ان فيه ارقص و أغني
تضحكي ، تقومي تضمي
تقرصيني من وداني
تملي كل البيت أغاني
كنت متعود آلاقي
فرحه جامده من جيراني
تعمليلي تورته حلوه
تنوري لي الكون بغنوة
و الهديه كات قميص
لون جديد منقوش
عليه كل الأماني
تحضني فيا القميص
تدعي يوم ابقي عريس
تختاري لي بنات كتير
مين يا غاليه تكون ونيس
و أما جت الزفه كانت
كات يا أمي زفه تدمي
متخافيش هيقيدوا قبري
نادوا قالوا الاسم صبري
جهزوا توب العريس
لبسوه أحلي قميص
و العروسه كات رصاصه
و القميص أصبح كفن
بس زغروتك يا أمي
كفنتني بدون كفن
كانت الحنه أمل
حنوا دمي بالكفوف
أصل دمي ملوش تمن
رشي فوق القبر حنه
طهريهم مالعفن
لو صحيح انا غبت عنك
جسمي عمره ما اندفن
وزعي كل الشموع
اللي انطفت
أمسحي دموعك حبيبتي
اللي قبري غرقت
و أحلفي بيوم فرقتي
اللي قلبك مزعت
ان عمر ف يوم يا غاليه
عالشهيد ما هتجزعي
يوم ميلادي
قيدي يا أمي الشموع
أوعي تنسي تفرحي
علي قبري روحي و زغرتي
علي قبري روحي و زغرتي