الكام جنية....قصيدة للشاعر/ مصطفى تيسير

الكام جنيه !!!! 

متغمسين دم و عرق ..

طب إيه فرق ؟

إيه الجديد ؟

بلد الحضارة بتتسرق ؟

إيه الجديد ؟

بتوزع الأوهام ورق ..

إيه الجديد ؟

و الفرح في إيدينا إتحرق ..

إيه الجديد ؟

الجوع بيطحن ف الجسد ..

و البرد فارد كف إيده ع الوشوش ..

حلم الحياه أصبح فاشوش ..

شكل الأمل معرفتوش ..

مليت أنا من كلمتين ..

( معلش دي ظروف البلد ) 

( معلش دي ظروف البلد ) 

يحميكي من شر الحسد ..

إدعولها بس متنساكوش ..

علي راسي 100 شاكوش ..

الحلم مات مبعزيكوش ..

و الله يا بلدي إنكويت ..

أنا نفسي أدوق البسكويت ..

الجوع معشش ف الحشا ..

و الله مات إللي إختشى ..

فقير يا ناس طب أعمل إيه ؟

بنام يا ناس من غير عشا !!!