راجع لسه عندى كلام
وقلبى نفسه يتكلم
ويحكيلك بشوق وغرام
ويفرد ايده ويسلم
على قلبك
على روحك
على عزك
على شموخك
وينسى بينا اى مﻻم
خﻻص منك حيتعلم
يخبى بهجته وفرحه
يدارى لوعته وجرحه
يعدى بحر م اﻻوهام
ويرفع صوته يتكلم
يقول مجنون كما العاشق
يقول عاشق كما المجنون
وكل الكون
مايكفينى قصاد رمشك
حنان همسك
جمال اسمك
وصوتك بحر م اﻻنغام
بتتوزع وتتقسم
على المساكين
من العاشقين
من الدايبين فى اوصافك
ومين شافك ومكنش اسير
لدوامه فى قلب البير
وﻻ طالب منها نجاه
او حتى طمع ف حياه
دا كل مناه
يشوفك لحظه فى الاحﻻم
تناديله باى كلام
ترميله بس سﻻم
وفرحة عمره واﻻيام
لو كفه عليك سلم