شايفها ساجده للحجر
وانا لسه بقسم انها بنت الجيران
تبني قواعد مجدها
علشان تأمن نفسها
...
من جيش جبان
قلت السلام
قالت أمان ، مين الجميل ؟
كان الجواب
عابر سبيل
ولقيت جفاف وأرض بور
ولقيت ظهور متشققا
ولقيت أيدين تعبت شقا
ولقيت عنين مترشقا
على حلم مرفوض م القدر
ولقيت خطر
وكمان حجر
مكتوب عليه خايف أموت
ولقيت سكوت
ولقيت شباب متلطعة
زي المجاري منشعة تحت البيوت
ولقيت تبوت
مكتوب عليه أكبر دليل
من عين جالوت
ولقيت قرود ومشفتهاش
عنيا خافت م العما
ولقيت جواب تحت السما
والريح شديد
معرفتش أقرأ الا ما
كنت اريد
أين العرب؟
زي العبيط
طلعت أجري وانكفي
وامي تنادي إختفي
خايفه لشمعي ينطفي
معرفش اكتب عالورق
علشان بليد
علمونا الصمت نعمه
والكلام غالي الثمن
علمونا العلم فتنة
التزام لابس كفن
واللحية بتجيب العفن
هم غم ، طعم سم
عم يم الجهل بيوقف سفن
اللحية تمرض البدن
شريف ولابس الكفن
واقف ثبات
قال وخايف يندفن
رغم انه مات
زي الجماد
لو نهر من صنع البشر مهيحيهوش
كل ما اشوفه بيندفن
بيقولي حوش
اتغيرت كل الوشوش
الدمع غشلق عالرموش
مبقدش اشوف
والمعهادة اللي بينهم
لسه برضع م الكفوف
مبقدش اطوف
حول النبي
كل الشوارع أجنبي
وانا اسمي ضاع ، بين الحروف
زي الخ...... }
زي الخليج اللي ماليه
أول وأخر
فيه السمك من جنس أخر
زي ديوك
تهوى الزعيئ
حرب وقتال ، على كوم دقيق
وياريته فاخر
هو ليه الخضر
كان عنده ثقة
لما عاب شكل البواخر ؟
علشان جميل ، خاف يتسرق
لو حتى هيصيبه الغرق
فميتسرقش
وميتحرقش
بنار الم غضروف ف سلسلة العرب
لما الطرب
منهج مقرر عالولاد
والولادة صعبة قال متعسرة
شدوا الضفيرة من ورا
هاتوا البصل
عضو الودان
خلوها تصرخ
والتسوا حيط الجيران
ما حد يعرف سرنا
بقالها ييجي ميت سنة
والداية فين
هاتوا لمونة مسرطنة
يمكن سمين
يشبه صلاح
خايف قانون الصمت
يمحي م الأدان كلمة فلاح
القدس راح
واللي باقي م الكفاح
رمي الحجر
تعالي شوفي ياللي نفسك ف الذكر
نشان حصى
لسه حتى ما خط شنبه
ماشي يسند عالعصى
أمرك عجيب يا مع......}
يا معطشة
والنهر فيك
دفنت فيك
جثث الولاد مالها عدد
مات الولد
ولا شئ كفيك
أنا شكي فيك
كان ليه سبب ، الصمت دل
يوم ما علمتينا إن الجهل حل
والجهل حل عالبيوت
عاش الجبان داخل تبوت
كل الحقايق أثبتت
إن البشر لازم يموت
هاتي الدليل انتي بقى
إن النجاح من غير شقا
أو فرض واجب عالبشر
يرضى السكوت
كان نفسي اموت
ولا اشوف عنيكي مجرحة
بسلاح يهود
ولا اشوف ايديكي ملطمة
فوق الخدود ،
دفنتي بإيديكي النهار أصبح كاليل
أنا اللي فيكي مثلما
{ عابر سبيل }