وبغزل حرف فى التانى
واقولك إنتى وحشانى
بقالى سنين بعيد عنك
وساكنه جوا وجدانى
ويسأل نفسى ألف سؤال
قوليلى بجد فاكرانى ؟؟؟
فى دوامة ظروف الناس
أنا إحساس ...........
أنا ذكرى فى زمن فانى
وبمسح دمعة التايهين
واطبطب ع اللى بيعانى
وبصرخ جوا قلب الكون
واقول مشتاق لأحلى
عـــيـــو ن ..........
فى كل مكان محوطانى
وبعزف أحلى ألحانى
ولحن فراقك المكتوب
حقيقى بجد أضنانى
ويسأل نفسى ألف سؤال
قوليلى بجد فاكرانى ؟؟؟
أنا شجرة ميلاد مادا
جزورها لكل بستانى
أنا ضحكة ولاد صافيه
تزيل الجرح فى ثوانى
ويسأل نفسى ألف سؤال
قوليلى بجد فاكرانى ؟؟؟
معايا الريشه والألوان
وأدى صورتك فى كل مكان
وخلصت كل ألوانى
رسمت عيونك الخضرا
وعلى خدك لقيت بكرا
وروده حاضنه أغصانى
وحشنى صوتك الساحر
مسيرى أوصل له وبعافر
بتجرى الخطوه سبقاتى
ويسأل نفسى ألف سؤال
قوليلى بجد فاكرانى ؟؟؟
قوليلى بجد فاكرانى ؟؟؟