ذكـــــر يـــــــــا ت ...بقلم الشاعر المبدع / ابو عمار المصري

لما اعدى ولا اشوفك
حتى صورة
عايز اصرخ
كل شبر
وكل حتة والف مطرح
لىَّ فيها ألف ذكرى
كل غرزة ف جرحى تشهد
تحت تمثال الشهيد
شفت ليلة ما تتنسيش
لما جا الخرطوش فى عينى
عينى رمــَِشت
ردت التانية عليها
ما تخافيش
والـمـُجَمـَّع شـُفت ناس
بقلوبها تـِدمـَع
مش بتـِدمـَع م الوجع
كات بتدمع .
كات بتصرخ خوف عليكى
كل روح .... كانت تروح
طايرة فى زفة من الفرح
الدم طرطش
غـرَّق شوارعها اللى كانت
زحمة جداً بالـجـِتـَت
لكن زرع بستان طرح
مليون شهيد
مليون فرح
كان يوم صحيح
لكن كأنه ألف عيد
كباية الشاى
ورغيف مقسوم على تلاتة
كان الشبع ..
طاغى على كل الوجع
حتى الرصاص
طاير وخارج من سلاحه
وهو فرحان بالخلاص
كاره لسجن البندقية
ما كانشى فاهم
إنه خارج
لجل ما يصيب الحمام
قلب الحمام هو الهدف
هو الضحية
والحلم كان راكب
جناحات اليمام
الحلم فرفر ع الطريق
..لكن ماهوش بيموت
ريش الحمام ..
مالوش لجام ولا حديد
ولا سجن يوم بيقيـِّده
صُمنا كتير
لكن ما صمناش ع الكلام
وعيدنا جاى ..وراح نعيده
من جديد
لو حتى مش هنعـيـِّدُه

..................
بـــقـــــلـــــــم ا لــــشــــــا عـــــــــر
أ بـــــو عــــمـــــــــا ر ا لـــمــــصــــــــر ى