المعده عملت معركه
صواميل صوابعى مفككه
الضب شغال تكتكه
وكأنى ﻻبس شفتشى
عيب اختشى
قافل عليا شقتى
والبرد واكل جتتى
والعشق زاد لمخدتى
ولحافى عاوز يترشى
عيب اختشى
الميه سالت ع الحيطان
الاوكره عصيت ع البيبان
والشمس مكسوفه تبان
كل الدفا سابنا ومشى
عيب اختشى
انا ﻻبس كل الدوﻻب
وطقيتين وشال وكاب
وخمسه كلسون والشراب
وسبع حاجات من كلشى
عيب اختشى
انا وياك دايما جعان
البطن عامله مهرجان
ﻻفول مكفى وﻻبتنجان
وﻻ اى محشى يتحشى
عيب اختشى
اديتنى فكره انك امير
وﻻ فيكش ساقعه وزمهرير
عيل قوى انت يا امشير
واطى ﻻيمكن تختشى
عيب اختشى