وصال الشعر بقى غية
عشان باكتب لها هيه
بابوس الكلمة قبل القول
وبلمسها بحنية
بادادى الفكرة جوايا
عشان باكتب لها هيه
بابوس الكلمة قبل القول
وبلمسها بحنية
بادادى الفكرة جوايا
وآخدها ف حضن روح الروح
لحد ما توصل النية
كأن الكلمة مخلوقة عشان تعمل كده فيا
تعلمنى آداب الشوق
وتغرينى لكن بالذوق
بكل صورها حواليا
حبيبتى الشعر صاينها وحاميها
على بوابة المعنى باعدى اللى بيرضيها
مانا الفارس مشاعرها
وانا الحارس أراضيها
وانا المبعوث بأغنية عشان تتغنى ف عنيها
وانا المحبوس ف سيرتها
خلاص عقلى ذهب فيها
محدش تانى يذكر قيس.....صبحت أجن
بقيت خايف على قلبى باشك واظن
بقيت شايف وانا نايم
انا عديت حدود الحلم
حبيبتى فيا...مخفيه...أنا..هيه
وياما رجال من العشاق لبسهم حس جنية
حبيبتى ملاك ومتدارى ف إنسية
وهيه من بشر مخصوص
عملت لها قصيدة شعر محمية طبيعية
ماحدش يجى يسألنى هايحصل إيه
وإمتى وليه
انا معرفشى عن سر الهوى إجابات
انا كفاية ف روحها أبات
اقول النثر والأبيات
وابل الصبر واعمل م الأمل شربات
لقاء الحب فرصة مش بتيجى كتير
كمان احنا ف زمن بيطير
فانا قررت اعيش بيكى
واشوف الحلم بعنيكى
ولو حتى بدون تفسير
لحد ما توصل النية
كأن الكلمة مخلوقة عشان تعمل كده فيا
تعلمنى آداب الشوق
وتغرينى لكن بالذوق
بكل صورها حواليا
حبيبتى الشعر صاينها وحاميها
على بوابة المعنى باعدى اللى بيرضيها
مانا الفارس مشاعرها
وانا الحارس أراضيها
وانا المبعوث بأغنية عشان تتغنى ف عنيها
وانا المحبوس ف سيرتها
خلاص عقلى ذهب فيها
محدش تانى يذكر قيس.....صبحت أجن
بقيت خايف على قلبى باشك واظن
بقيت شايف وانا نايم
انا عديت حدود الحلم
حبيبتى فيا...مخفيه...أنا..هيه
وياما رجال من العشاق لبسهم حس جنية
حبيبتى ملاك ومتدارى ف إنسية
وهيه من بشر مخصوص
عملت لها قصيدة شعر محمية طبيعية
ماحدش يجى يسألنى هايحصل إيه
وإمتى وليه
انا معرفشى عن سر الهوى إجابات
انا كفاية ف روحها أبات
اقول النثر والأبيات
وابل الصبر واعمل م الأمل شربات
لقاء الحب فرصة مش بتيجى كتير
كمان احنا ف زمن بيطير
فانا قررت اعيش بيكى
واشوف الحلم بعنيكى
ولو حتى بدون تفسير
...............
حمدي موسى