..............
ان الاوان ...حلمك بعد
بعد الزمان ...بعد الابد
وماكنش ليك..ف الاصل دور
لاكنت والد او ولد
ولا كان دا اسمك ف البلد
ولا لك وجود ولا لك حضور
اجمع اهاتك من سكات
ولا تنبش ابدا في اللي مات
لا اللغنه تاخدك للقبور
جوه الشقوق..حازي الطابور
واياك تبص لمبتداه
او منتهاه
ولا تستمع همس الطيور
خليك مطاطي..بدون خبر
من غير مايشعر بيك بشر
خليك صنم خليك حجر
وماتشتكيش..
نبش الوحوش
مجروح تعيش..اياك تحوش
بركة جراحهم.من ايديك
واياك تقول فيه حلم ليك
لو شفته قول
ماحلمتهوش
خبي انت نفسك ف الجحور
اكتم ف دمك لو يفور
في جهاز معاهم يسمعوه.. لو يكشفوه راح يمنعوه
والدم هيبطل يدور
خليك جبان ... انا بانصحك
ماعدش صبح هيفرحك
ولا عاد خيال
هيرمجحك
جوه الهوا
بين الزهور