يابلادي
ياللي ف جنتك كبروا العيال
وف قلب جيشك كبروا..عدوا المحال
صبحم رجال
واتخضروا ..واتحضروا
واتعصروا.. واتكسروا
علشان ماتبقي يامصر فوق
نور الشروق
روعه وجمال
فوق الخيال
ياشاعر انت بحبها
دندن وقول عن فجرها
عن سحرها
عن سكري ف تراب خمرها
غني وقول عنها اللتي
ف القلب نور
بساتين طيور
وبين مساها وصبحها..خليني اطير
اغزل كلامك .. جوه شال
اهديه لها..لو برد.طال
واقول معاك..فوق السطور
استحملي
اتجملي
لو دمي سال
هيسيل عشان ..حبك كبير
نامي ف هنا ..نامي ف سلام
هاحلم اتا
بصبح ابتسام
وشمس حب دفاها طير
اجمع معاه ورد وحبوب
وميه من نيلك تدوب
علي شفتك
وف جنتك
اصبخ امير...ما اخلي عايز..او فقير
الا لعينيكي
بدون ذتوب
راح يبتدي العصر المطير
.......
كلمات
مدحت_المرسي_سليم
......