قبل اما انام انا عاوز اقولك تصبحى
على كل خير
والصبح اشوفك تفرحى
وتحطى نفسك مطرحى
وتقولى اعمل ايه انا ف قلبى الأسير
قبل اما انام انا رايح اشوفك واحلمك
اوعى تظنى بأنك انتى هاتبعدى
انا رايح اقرب من حنانك والمسك
بالعكس د الحلم اقتراب
والعلم فى هذا الزمن أصبح سراب
وانا يا حبيبتى باهمسك واتنفسك
انتى الحياة
وانا لسه فى مهدك رضيع
من غير عنيكى دول ..اضيع
واعيش فى هذا الكون وضيع
انتى الكرامة والأمل
وانتى الفرح
وانتى الغرام اللى انطرح
من بذرة القلب الشجى
وانتى طريقى ومنهجى
قبل اما انام انا عاوز اقول اطمنى
ومادام حنانك ضمنى
يبقى خلاص
قدام جميع الكون هاطالب بالقصاص
انا مش هاحارب بالرصاص
لكن هاقيم الحد
على كل اللى عاوز يبنى سور
بينى وبينك أو يفكر يوم بجد
انه يقرب مننا
او يجيب سيرة هوانا وحبنا
اطمنى نامى ف آماااااان
حبنا هوه الضمان
وانتى الأميرة وقلبى هوه عرشها
وانا الأمير
اللى يحارب باسمها
واللى يجيب علشان عنيها الكون أسير
واللى يقدم مهرها قلبه الحرير
وقصايد الشعر المعطر بالعبير
نامى حبيبتى اطمنى
تصبحى على ألف خير
..................
حمدي موسى