أنا خايف ... بقلم الشاعر / علي جامع

أنا خايف
كلام مكسور
يقوم (منتور)
يهجّج كل قوافيّا
أنا خايره القوى فيّا
سباتة (بوص) بتسترنى
وتيجى لصوص وتعذرنى
على العيشه اللى مش هيّه
أنا كائن مالوش ديّا
بيرفض بطش سلطانك
وانت اللى فى إمكانك
وإمكانك وإمكانك
تهين وتدين
وتعرض روحى فى البتارين
ليلاتى الحلم يراودنى
أكون منقاد
أسيب الفكره والمعنى
ولغة الضاد
أقول له بلاش تعنفنّى
أنا لو دمّى ينزفنى
حلفت مااكونشى غير ليّا .

.............

علي جامع