مات الولد.....للشاعر / علاء ابو ذكرى

راح اللي راح

والدم نازف م الجراح

والليل طويل
والعتمة سيل
وف قلب عش العنكبوت
أتمدد العود النحيل
والأم كاشفة شعرها
بتضم أحرة صبرها
على صدرها
والكل واقف من بعيد ينده لها
صوت العويل
سابق خيوط الليل بميل
ولا ألف أاااه
هترجع الحلم اللي كان
ده انا كنت شايله ضحكتك
تحميني من غدر الزمان
اه يا بلد
قتلوا الولد
وإستخسروا قولة شهيد
------------
راح اللي راح
والعمر مش قد اللي راح
والفجر غَيّر سكتة
والنور قتيل
يا هل تري مين موته
ملعون ياليل
ده أنا كنت ماسك في الأيدين
فستان فرح.
وعرفت إن ف ضلمتك
الدود سرح
وبرغم ينبوع العفن
جابو الكراسي للفرح
حتى العروسة أتذوقت
كمل العدد
والكل مستني العريس
فاتت ساعات صوت الصجات

سد الودان

وتفتحت على صوت بارود

وتراب هدد

ومنادي ينده من بعيد

فضوا الفرح يا مغرمين

الدم سايح علي الكراسي

وع الحيطان

ما تشد حيلك يا بلد

راح العريس

مات الولد