بحر محبتك.....للشاعر / عبد العزيز البندارى

بتلفِّى ليه..

حوالين رقبتى محبتِك؟

أنا جنتك..

وانا طلتك..

أنا اللى عاشق دنيتك

سكنتها جوه فى عيون النهار

وفرشتها فوق خدود الورد

لاجل الِاِزدهار

من غير ربيع

حضنك فى سحره كمالربيع

وانا جوه حضنك مش ها ضيع

ولا يوم ها بيع

اسمك يا طراحة أمل

ولا يوم ها تاجر بالمبادىء والعمل

أنا سكتك..

وانا فرحتك..

اللى مابتعرفش معنَى للغروب

أنا مش نبى ..

معصوم تمللى م العيوب

اِن كنت غلطان فى الهوى؟

والا تا يه فى الكواحل والدروب؟؟

للريح هبوب..

بعد العواصف والزلازل والحِمم

لازم هِمم

لاجل اما نبنى اللى انكسر

واللى اتحفر..

واللى اتردم..

بتراب غباء المأجورين

واللى اختلط بدموع أهات المجروحين

ايه يعنى مات اِبنى واخوه.. 

جوة الميدان؟

خبو الدليل ..وكفنوه 

كأنهم فوق ع السحاب..فى البيان

دا المطر مهما اندثر..

والا انكسر..............جنب الحيطان

فى الشوارع..

فى المزارع ............فى الغيطان

بكره لازم يتولد ..

مليون ولد.............مليون ميدان

طول ما فيه حقِّى وحقك فى الأدان

سامعه الأدان..؟

أنا دنيتك..

وانا قبلتك..

دا الشمس بتسرَّح تمللى ف شعرها

لاجل اما تشرق..

بين رموشها ..ضحكتك

أنا ضحكتك..

واناطلعتِك..

أنا صبحك النايم حبيبتى ف دمعتك

أنا شطى غرقان فى محبتك 

بتلفى ليه ..

حوالين رقبتى محبتك..؟!!