انا مت يا ناس
وطلعت لفوق
روحى نزلت
ويا المطرة
الميه دخلت
جوا شقوق
سنبلت الارض
بلون اخضر
فى كل سنبلة 100 حبة
أكلتهم عصافير بتزقزق
و فراشة كمان
ليها حظ وفير
تاكل وتنام
راح تتشرنق
وانا روحى يا هوووه
جوا بطون طير
تنزل تاكل
تانى تحلق
انا صاحي يا ناس
ولا انا بحلم
الدنيا ف عينى
بتتغير
وصباح الخير
وصباح النور
انا شايف جنة
بتتعطر
مش عاوز لية
انا اصحى وافوق
واتمنى الحلم
ده يتأخر
ولا ارجع تانى
سحابة صيف
ولا اكون ميه بتتبخر
الدنيا يا صاحبي
ربيع وخريف
ومصيرنا
ما بينهم يتقدر