رجعت حزين أدارى دمعتى عنى
وخفت اغرق فى أحزانى
وخفت الحزن يهوانى
فقلت اهرب ورُحت بعيد
معايا سِرّ بُركانى وعزم شديد
وبسمة لسّة فاكرانى
وذكرى تهزّ وجدانى
ولحظة لقيتنى وحدانى
وطيفك جاىّ من تانى
لقيت إيدك بتلمس إيدى تتسلل
عيون تلمع وصاح القلب بيهلل
سعيد فرحان
كفاية احزان
تعالى وارحمي قلبى من الحرمان
دا بعدك زلزل اركانى
وهدّم عرشى من تانى
تعالى حتى فى الأحلام
وفى نومى ، وانا يقظان
دا انا بعشق حروف اسمك
كما الولهان
وبعشق همستك بحنان
وبعشق شمس شفتيها
وبعشق ظلة يا قمره تعدّيها
وبعشق دمعتك تِجرى وفى جفونك
وبعشق سر إشراقة جمال لونك
وبعشق صوتك الهادى ينادينى
وبعشق لما بتنادى وتخدينى
وبعشق كل ما فيكى
وكل الحب فى عينيكى
وكل الحب فى عينيكى
..............
د . صبري إسماعيل