القطر لسه معدهاش ..
لسه واقفة ع المحطة ..
لسه زي ما هيه قطة ..
لسه لما تشوفني تضحك ..
لسه بيجلها الزوغوطه ..
لسه فيها حاجة حلوة
زي طفلة تنط نطه ..
لسه لما أشوفها بحضن ..
بالأمل مليون محطة ..
لسه قلبي هناك معاها ..
لسه حلوة لسه بطة ..
و لسه قلبي منساهاش ..
قلبي كان طالع معاش ..
هي لسه ف قلبي شطة ..
لسه راسمة ألف خطة ..
إنها تسكن خيالي ..
إنها علي طول ف بالي ..
إنها مراتي و عيالي ..
لمت الأحلام ف شنطه ..
و الله عمري طار أونطة ..
و الله عمري ضاع بلاش ..
و هي لسه ع المحطة ..
القطر لسه معدهاش ..
.........................
بقلم .. مصطفي تيسير