ايه اتغير
..........
ايه اتغير من اغانيكي
مليون سنه عمال اناديكي
غ البرديه
انا بارسم واكتب
وف ايامك
باكدب و اكدب
ولافيش مره
اخدت اديكي
ومافيش مره ..شافتني عنيكي
........
عارف ان رياح امشير
اخدت مني وجسمي كتير
وسط صحاري رمتني بعيد
كان نفسها تعملني نبات
كان نفسي..ازرع لك سماوات
لكن رمل الحسم عنيد
...........
انت ياقاضي هناك..محكوم
حبسك مش هيطول..هيدوم
اللي هيحكم فيك مظلومك
اضحك ..خبط..كمل يومك
لما تحيلك ساعة النوم
.........
مية عفريت..من عود كبريت
والغ طالغ..بس نسيت
اتي معادش معايا سجاير
اتأسفت انا ليهم
..ضحكم..
لما شافوني لوحدي ..جريت
.............
خمسين سنه...ياه..عشت سنين
ممكن اقولهم جوه بيتين
حلم لابويا..وسابه..وسابني
سبته لبنتي لما كتبني
مش طالع للشمس عنين
..............
اضحك اضحك..ياللي مكشر
حلوه الدنيا..مهما هتخسر
حاول تاتي وتاني وتاني
مادي حلاوتها انك بتعاني
علشان مره..بتزرع سكر