سبينى ارتاح على صــــدرك
وأنسى كل أوجاعــــــــــــى
حنانك .. رقتّك .. حضنــــــك
سفينتى وبحرى وشراعــى
سبينى .. طبطبى .. ضمّى
خدينى طفل انا سمّـــــــى
ولمّى حروفى لمّيـــــــــــها
وعيــــــدى ليّا ترتيـــــــــبها
لوحدى باضيع واتوه فيهــــا
معاكى حقدر اكتبها وارتبها
وافسّر لك معــــــــانيـــــهـا
ياعمرى وضحكتى وهمّــى
ياريت يطلع هنـــــــــا بدرك
سبينى ارتاح وضمينـــــــى
حنانك نهر يروينــــــــــــــى
وانا عطشان يانبع حنــــــان
بيجرى ف قلبى وف دمّــى
وباصحى كتير على فجــرك
سبينى ارتاح على صــدرك !
..............
شعر : طلعت سالم