عارف؟
بس مداري
شايف؟
واخد بالي
خايف؟
مش على حالي
ليه اخترت تكون بتعاني؟
انا ماخترتش
هما استولوا ف يوم على مالي
وعرفوا أماليً
خلوا ف بالي بس خيالي
ليه مانهرتش ليه ماصرختش
ليه ماعرضتش؟
طاب وانا مالي
صرخت ناس من قبلي ليالي
عمر ماحد سمعهم مرة
ولما سمعهم حد بصرة
لسانهم حرم ينطق تاني
وده من ايه؟
م اللي شافوه
ايه اللي شافوه؟
مش عارفينه
علشان عارف لويحكوه
تاني سعادتك راح يدوقوه
شايفك فاهم!
طبعاً .. انا مش اقولك واهم
طاب ماتقول رأيك في خفاهم!!
عندي عيال
ولأجل ما اربي عيالي يابيه
ﻻزم أفضل عمري معاهم
وايه الفايدة تخلف اصلا!!ا
لما وﻻدك طبعك وصلا!!!
يمكن يطلع واد من صلبي
يرفع راسي ويحني قفاهم
............
موسى كامل موسى