انا قلمى ان بدا الترتيل
لايقبل معنى وتاويل
هيرتل وبكل صراحه
بفصاحه مش بالتساهيل
انا قلمى معروف وبيانى
واضح للكل وحقانى
ولا عمره يجامل خلانى
ولا مره عن الحق يميل
انا قلمى حرفه بيشرف
ولا يوم بيحيد او بيخرف
بسلاسه بيعرف يتصرف
فى السرعه بيسابق الخيل
وقلمى سيفى البتار
بيحارب بس باشعار
وحروفه طلقات من نار
وحبره من نهر النيل
بيواسى ويداوى جراح
ويقاسى فيكتب يرتاح
ويشارك لاحباب افراح
ويغنى ينظم مواويل
وانا قلمى له كتير تلاميذ
يكتبشى غير البهاريز
ازجاله لها طعم لذيذ
فى سياسه او نقد جميل
ويسجل موقف لتاريخ
بالراحه بلا اى صريخ
وبيزعل قوى م التلبيخ
فى الشعر ومن فعل عويل
اشعاره دى حروف من نور
تتسجل فى كتاب مسطور
تقراها تفضل مسرور
ولا تشبع لو تسهر ليل
وانا قلمى فى الرد سريع
على اى حاقد ووضيع
ولا مره حقى هايضيع
ولسانه فى الحق طويل
انا باعرف اختار الفاظ
وبتحرق اكتر م الجاز
بصراحه وبدون الغاز
وبتنزل من قلمى سيل
..............
أحمد عبد الوهاب