وماتزعلش من صاحبك
وحتى ان قطع وصله
دا كان للهلاك ساحبك
لكنه عاد الى اصله
وعيد الماضى واتذكر
ساعتها تلوم على نفسك
مع نفسك كتير فكر
هتاخد فى البعاد نفسك
يغور الفول وكياله
مدام يكتر معاه سوسه
ويسلم قول وقواله
اذا بين لى مدسوسه
غنيمه البعد عن شكله
مدام الدفه بيد امه
فى داهيه هو ومشاكله
الهى يتحرق دمه
دا بعد الندل هايفيدك
وترتاح للازل منه
ويبقى ساعتها يوم عيدك
ومايغرك بياض سنه
دا قلبه اسود ومتلون
ولا يعملش لك قيمه
عشان خاين فبيخون
ياريت تديله بقديمه
ما لو تعرف له مين ربا
لراح الفكر من بالك
دا زرعة سم فى مربا
نصيبك كان زارعهالك
ياخويا ارميه خلاص انسى
وافرح دا اللى جاى احسن
دا ماضى حطه فى سبنسه
وللجايات بقى استحسن
........
احمد عبد الوهاب