أجمل ما فيكى يابلـــــدى
حبّــــــــــــــــات الندى
لمبات نيون متعلّقـــــــــه
فوق الورق بينـــــــــــــوّروا
بللور بيرقص م القـــــلق
خايف لضى الشـــــــمس
يجى يطيّره تتصــــــوّروا ؟
ما هو فيه حاجــــــــــــات
أغلى كتير م الأمنيـــــات
عشقى أنا وعشق الندى
لورق النبــــــــــــــــات !
عشق وغرام من غير كلام ..
عشق ف ســـــــــــــكات
أسمى معانى الحـــــــــــب
بتبان ف الربيــــــــــــــــع
شوفوا الطبيع اتزيّنـــــــــت
كشفت مفاتن حســــنها
من أحلى ورده ف خـــدّها
ولحد رقّة مشيــــــــــــها
بين البينين لو تتوصــــــف
يمكن تموتوا بســــحرها
يامغرمين بالحســــــن ده
أنا لسّه طفل ف حضنــــها
شوفوا أد إيه مغرم بها ؟
طفل ورضيع وتزيد رضاعتى
ف الربيــــــــــــــــــــــع
يادنيتى وعشقى الوحيــــــــــد
عشقى البيع يا حضنهـــــــــــا
يابختى بيها بحبّها يا بختهـــــــا
أجمل ما فيكى يابلــــــــدى
حبّات النــــــــــــــــــــــــــدى
تنزل تبــــــوس كل الورق
وبتحضنـــــــــــــــــــــــــــــه
الحضن ده بيطّهره ويخضّره
تتصـــــــــــــــــــــــــــــــــــوّروا ؟
بتصّحى فيه كل اللى مات
من ذكريــــــــــــــــــــــــــات
وترجعه أخضر شـــــــــــباب
يجى يفتّح يبتســـــــــــــــم
يضحك لنور الشـــــــــمس
يرقص للنــــســـــــــــــــــــيم
رقصه حفيف خفيف.. خفيف
ولطيف.. لطيــــــــــــــــــــــــف
بعد الغياب صوت الحفــــــــــيف
تسبيح جميــــــــــــــــــــــل
تسبيح عظيم يشبه صـــــــلاه
سبحانك انت بقــــــــــــــدرتك
ياواهب الطير ف الســـــما
توهب لنا سر الحيــــــــــــــــاه
أجمل ما فيكى يابلدى
حبّـــــــــــــــــــــــــــات الندى
مرايات كبـــــــــــــيره ملألأه
فيها جناين برتقان أشجار كافور
عصافير وغاويه الزقزقــــــــــــه
فيها الجوامع والمدارس والبيوت
والقلعه فيها الأهرامـــــــــــات
والسد من فوقه الفنــــــــــــــار
فيها ابتسامات الصغــــــــــــار
فيها المصانع والمزارع والمـــكن
فيها السفن فيها الجنـــــــــــود
زى الأســـــــــــــــود فيها الوطن
فيها الصحافه والإذاعه والنغم
فيه لسّه حاجه ما قلتهـــاش
فوق كل ده وفـــــــــــوق الهرم
كان فيها ناس حاضنه العلم !!!!!
..............
شعر : طلعت سالم