مات الكلام...........بقلم الشاعر المبدع / موسى كامل موسى

مات الكلام 
والصبر عشش ف القلوب
من غير سلام 
راحل انا ... رافض اتوب
وسنين هوانا اتبدلت ....
لسنين سراب
وإن مهما قولت 
انا مستحيل ارجع وادوب

قلبي خلاص شاف الضنا
ضاااع من إيديك
ودع سعادته والهنا
وغضب عليك
كان فاكر إنك دنيته 
وأنت المنى
وإتغر فيك
كان مستحيل 
إني افكر يوم نغيب
وماجاش ف بالي 
ان إحنا ممكن يوم نسيب
بقت مجرد ذكريات
وطواها قلبي من سكات
إعتبري حبك كان.... ومات
ومالوش درووووووب
وماكنتش أعرف إن لغرامك حبيبي
فيه غروووب
مات الكلام 
والصبر عشش ف القلوب
من غير سلام 
راحل انا رافض اتوب
وسنين هوانا اتبدلت 
لسنين سراب
وإن مهما قولت 
انا مستحيل ارجع وادوووووب
مات الكلام 
والصبر عشش 
في القلووووب
......................
ودعت قلبك يالا روح
من غير عتااااب
وأنا كنت ناوي افديك بروحى
بدون حساااااب
سببتلي  كل الجروح
وأكبر عذااااااب
وبعد ده جاي تعتذر بكلام غريب
وتقول حبيبي 
انا كنت ليك أجمل نصيييب
ويفيد بإيه كتر الكلام
لو مهما قولت خلاص سلام
مش عايز اشوفك لو منام
من بعد ما ظهرت العيوووووب
وماكنتش أعرف إن لغرامك حبيبي
فيه غروووب
مات الكلام 
والصبر عشش ف القلوووب
من غير سلام 
راحل انا رافض اتوب
وسنين هوانا إتبدلت 
لسنين سراب
وإن مهما قولت 
أنا مستحيل أرجع وأدوووب
مات الكلام 
والصبر عشش ف القلوب
...............
موسى كامل موسى