من الجايز. ..
تكون الماضي و الحاضر
لكنه أليم..
براحة بالنا بنخاطر
و لا يخطر علي الخاطر
بإن هوانا من صغره
شعوره هشيم
يجوز كنا ..
يجوز هنا..
يجوز البايعه مش خالصه
و لما حلفنا ع اﻹخلاص
يمينا كان علي الدخان
بصورة باهته
شوشنا
فكان الناتج الخسران
كأنه ما كان
بنتآمر علي قلوبنا
ف وسط معالم الذكري
فتصبح فكره مقتوله
تعيش لكن ..
تعيش نكره
تصب الدم ف الشريان
عشان ينجب ألم ساخر
بيسخر حتي من يومنا
و علمنا إن بكره عقيم
حاولنا نخلف اﻷحلام
فجات للدنيا معيوبه
عشان أصل النسب متهان
سواد الليل
مهوش ناقص
سواد منة
سواده ضلته منا
فضلينا و ضللنا
و روحنا نداري ع الضحكه
ضحك منا ال كان سهران
بيتفرج علي غيرنا
فخلينا الدفا بردان
و خلينا بخطوط سيرنا
و قلب رسمته ع الجدران
صبح ينزف من اﻷحزان
و حرف كتبته من خيبتي
و لا اعرفشي
إنه حرف غشيم
خساره بجد صدقته
و كان الناهي و الآمر
صحيح صدق ال قال مره
إيدين البخل ما تبرش
بقلب يتيم
............
جهاد زيادة