افرد ايديك
يا صبح من خلف البيبان الموصدة
عشمان يهل
فاتح عيونه السهرانين المجهدين .. علشان يطل
هو انت ليه دايما ايديك متكتفين و بكاك وجع
و تملى ليه بتخاف لشكواك تخرسك ...
فتملى بتوشوش ودع
من اد ايه ليلك فرد لك طرحته ..
و بدر سكات
من اد ايه فى السجن دا عاصبين عنيك و الحلم مات
من اد ايه ضحكك اهات
يا صبح من خلف البيبان الموصدة ما تضمنيش
افرد ايديك ..
لم الخيوط المجهدة ...
و صمم تعيش
صمم تكون لك سكتك
او ضحكتك
و احلف تكون و ما تتنسيش
............
فهمي علي نصر