انا وانتي
قفلنا الباب على روحنا
بدينا نداوي في جروحنا
وكان بوحنا صراحه بجد
وصدق بحب فاق الحد
مسكنا الدنيا بإيدينا
في لحطة ماابتدى بوحنا
٠٠٠
بدينا الرحله من اول خطاويها
وصممنا بكل العزم نمشيها
وشفنا صعاب ٠٠ وغدر صحاب
وناس بتهد
ونفتح باب
نلاقي ألف غيره اتسد
حلفنا بكل مانملك٠٠ خطوتنا نخطيها
٠٠٠
ومشوارنا بمعاناته ادينا مشيناه
كسبنا كتير وخسرنا ماقلناش آه
وحالفين برضه لا نكمل
ومهما كان هانتحمل
وبرضه الصبر بيجمل
طريقنا ٠٠٠ ويهزم المعاناه
................
أشرف جميل فايز
شكرا جزيلا شاعرتنا المبدعة
ردحذف