ياسجون الظلم حالك
بس بتشدى العزايم
رغم فيكى كتير مهالك
بادعى يصحى كل نايم
صفحتى جدران حيطانك
وانتظر فتحة بيبانك
مش عشانى لا عشانك
الظلام ابدا مادايم
كل مظلوم م الغلابه
عنده دعوه مستجابه
والاله وعده باجابه
بعد حين والوعد قايم
ياظلوم ظلمك له اخر
مهما بين الناس تفاخر
الكتاب بالظلم زاخر
والحفيظ يمهل وعالم
كل واحد جاى له ساعه
يرتجى فيها الشفاعه
يومها هتلاقى البضاعه
والبشر تنشر مظالم
..............
احمد عبد الوهاب