الجراد .... كلمات الشاعر / رضا ابو الغيط

بين حدود المستحيل
تاه من الصبرالدليل
كل شيئ ف الكون بحاله
صابه م الدنيا العويل
لما حالها صاب عيالها
بسهم غدر وليل طويل

وانفتح للأرض جوفها
رغم خوفها
م اللى راح ينحط فيها
م اللى منها واللى زانها
ومن كسوفها
م اللى شافها
دارت الدمعه ف عينيها
غصب عنها
والرياح قاعده بتعوى
فوق كتاف كل الضحايا
والنيران لسه بتشوى
اللى فاضل م الرحايا
والقضايا والزويا والنوايا
كله مستنى النهايه
كله مستنى يشوف
تعمل ايه الشمس
لو صابها الكسوف
يعمل ايه ليلنا الحزين
المستكين
لو قمرنا عانا مره م الخسوف
لو شكينا او بكينا م الظروف
لو ف يوم
وسط أسراب الغيوم
مات حمامنا من لئامنا
وانتصر موتنا الشغوف
لو ف يوم
تحت ضغط جبال تقيله م الهموم
سن قلمى صابه داء الانكسار
وابتدى الرسم البيانى للسعاده
ف انحدار
يعمل ايه قلمى اللى حبره من مرار
فوق سطور زى القبور
بتهب نار
على كل كلمه تتكتب
على كل حرف من الحروف
يكتب ايه
لحظة ميلاد اليأس
من فرج الخناجر والسيوف
نعمل ايه
وسط بير راقضه فيه
كل المإسى ف حضن خوف
آه يا تمثال الميدان
يا اللى واقف ف انكسار
لما زاد سرب الجراد فوق الخَضار
لما تاهت المعانى ف المدار
لما حلق الحر فينا
م اللى فينا
بطنوه بكل المرار
آه يا تمثالى المهان
م المخالب والتعالب
والتعابين الصغار
آه يا تمثال الأمان
م اللى باع واللى خان
م الدمار ..والجدار.. والحصار
.........
رضا ابو الغيط