ومين هايوصل قبل مين
هما يومين
بنعيش مابينهم كل لحظة بالأمل
ولأننا ف دنيا العمل
ساعات بنشعر بالملل ..
وساعات بنشعر بالحنين
لكن يا بخت المؤمنين
بالصبر بيعدوا السنين
رغم الألم دايما عليهم محتمل
لكنهم .. مابيعرفوش طعم الأنين
وبيقدروا يمحوا ساعات الليل كمان من عمرهم
أصل الصلابة ف طبعهم
وﻻن إيمانهم وإخلاصهم كبير
لو مهما كان المستخبي ضدهم
بيكسروا طبع الحقيقة بالسلام
وبيكسبوا دايما في اخر خطوتين
لو مهما كتروا الظالمين
لو مهما كانوا أقوياء
أو حتى كانوا بيرموا نار
الحق طبعه الإنتصار
باقي برغم الوسوسة
باقي برغم شيطان لعين
.......
موسى كامل موسى