مفحوم م العياط ..بقلم الشاعر المتميز / سعيد شكري

 











القلب مفحوم م العياط
مع إن حاجة بسيطة
قادرة تفرحه ..!!
إزاى تفك الإرتباط
مع كل حاجة بتجرحه ..!!
صعبة المعادلة ...
بس تقدر لو حاولت
حبة تعب ...
وإرتاح ياعم وريحه ..!!

إيه يغصبك تعمل جدع
والقلب لسه جعان حنان
ياعيون بتحلم بالشبع
الجوع كما السكران
ف عتمة وليل ...
بيخبط ف الحيطان ..!!
فامتطمعيش ...
ومادام مافيش ...
يبقى الرضا بر الأمان ..!!
على قد توبك
فصل الحلم الجميل
يمكن ينوبك ...
م الفرح ... لو شئ قليل
إسمك فرحت ...
ماهو برضه لسه ياعم
فيه مشوار طويل ..!!
بس انت عيش
ومادام مافيش
خليها ع ال خلق الكون ... تهون
تشبع عيون ...
بصت ف يوم ع المستحيل ..!!
....................
سعيد شكري