برغم الناس
ف فلك العشق
بيطوفوا
لكن فيه ناس
وشوشها عيون
وما يشوفوا
يا ذات الحسن
والشال الحرير
نوبى
وخصرك نيل
على ريق العطاشا
يميل
فتخضر
العقول بالشعر
والمواويل
وتنبطح السما
تلمس
رمال سينا
يطرطش دمعها
الخلاب
مع المطره
وصوت الفجر
بيأذن على الفيوم
تقوم م النوم
وتغسل وشها
من بحرك الابيض
تصبح ع الجمال
سيوه
يدندن عرقك السيال
على اسيوط
بغنيوه
وتطلى يا طلتك
غربيه شرقيه
ف تميل لك القنطره
بهواها زى الكيف
ترفع ادين الدلتا
وبتنده دقهليه
فتغوص ومن اجلها
ف الحسن بنى سويف
اما اللى شافوا القمر
وعاشوا ف التوهه
فى مكان قلوبهم حجر
بالعتمه غطوها
...............................
عماد الدين علي