ماتقول ياعدل الحق
واللى يطق يطق
خليك جدع ياخال
قول ان دا يفضل
وان دا يتشال
وشلة الأندال
مافيش مكان ليها
قول كلمه لو واطيه
احنا نعليها
دى مصر دى بلدنا
واحنا الأساس فيها
ماتقول ياعدل امال
طول ماانت شايف مال
شبهة حرام فيها
خللى الحقوق تترد
ترجع لأهاليها
قول كلمتك بالطول
قبلن ماييجى بكره
على قلبنا المغلول
ويقلب الموازين
الكل يتهمك
ونيراننا تلتهمك
ونخللى عيشتك طين
احنا اللى قررنا
ندخل على حطين
و مافيش جدع غيرك
ينفع صلاح الدين .
..........
علي جامع